news-img

Алматыда Еуропалық логистикалық қауымдастықтың (ELA) құрамына кіретін логистерді сертификаттау ұлттық орталығы ашылды. ELA логистерді оқытумен, логистика бойынша жалпыеуропалық стандарттарды әзірлеумен, кәсіби логист біліктілігін берумен, түрлі елдердің логистерінің білімі мен тәжірибесімен алмасу үшін конференциялар мен семинарлар ұйымдастырумен айналысады.

Қазақстанда логистиканы сертификаттаудың ұлттық орталығының пайда болуы еуропалық логистикалық қауымдастық өкілдері мен Тұран университеті арасында 2019 жылдың тамыз айында ҚР Тұңғыш Президенті – Елбасының Қоры жанындағы Ғылым кеңесі ұйымдастырған «Burabay Forum: Қазақстанның халықаралық ынтымақтастығы» жас ғалымдардың III форумы алаңында меморандум жасасу арқылы мүмкін болды.

European Logistics Association вице – президенті, Будапешт Метрополитан институтінің Президенті, PhD, Альфонс Энтони ELA біліктілігін сертификаттау-бұл логистердің құзыреттілігін, білім деңгейін, дағдылары мен еңбек функцияларын әділ және тәуелсіз бағалау, халықаралық қоғамдастық мойындаған және логистикалық қызметтердің Әлемдік нарығында бәсекелестік артықшылықтар мен мойындауды беретін екенін атап өтті.

Бұл жобаның бірегейлігі-ELA бір елдің бір мекемесінде ғана өкілдігін ашады, осылайша, Тұран университеті жанындағы логистерді сертификаттаудың ұлттық орталығы — Қазақстан Республикасында және Орта Азияда бірінші және жалғыз.

Тұран университетінің экономикалық факультетінің деканы Дина Разақова ҚР Тұңғыш Президенті – Елбасының Қоры жанындағы Ғылым жөніндегі кеңеске «Burabay Forum» ғылыми алаңындағы диалогтың ұсынылған мүмкіндігі мен жемісті нәтижесі үшін алғысын білдірді.  Ол сондай-ақ, бүгінгі күні қызметкерлердің дағдылары бәсекеге қабілетті күрес құралы болып табылатынын, ал білікті қызметкерлер бәсекелестер алдындағы негізгі артықшылығы болып табылатынын атап өтті.                                                                 

- Бүгінгі таңда әрбір кәсіпқой өзінің әлеуетін біліп, өзінің құзыреттілігін үнемі жаңартып отыруы керек және олардың саладағы табыстылықты қамтамасыз ететін өзінің басты меншігі ретінде болуын ресми растауды алуы тиіс. Қазақстандағы логистиканы сертификаттаудың ұлттық орталығы еліміздің логистикалық қызметтерін жаһандық нарықта жылжытудың пәрменді құралы болады деп үміттенеміз, — деп қорытындылады Дина Разақова.

 

Медиа жаңалықтар
Түсініктеме қалдыру