Дәстүрлі трэвел-гранттар байқауы басталды
Қазақстан Республикасының Тұңғыш Президенті - Елбасы қоры 40 жасқа толмаған жас ғалымдар мен өнер қайраткерлері үшін кезекті трэвел-гранттар байқауын жариялайды.
Байқау жеңімпаздарына Қазақстан Республикасында, сондай-ақ шетелде өтетін мамандандырылған іс-шараларға қатысу үшін грант тағайындалады.
Байқауға қатысуға жеке немесе шығармашылық ұжымдар қатарында өнер көрсететін (жұмыс істейтін) 40 жасқа дейінгі мәдениет және өнер саласындағы жас өнерпаздар мен жас қазақстандық ғалымдар - жоғарғы оқу орындарының оқытушылары, ғылыми-зерттеу институттарының ғылыми қызметкерлері, PhD докторлары, магистрлер, ЖОО соңғы курс студенттері (магистратура мен бакалавриат) шақырылады.
Жол жүру шығындарын өтеу гранттары:
- жас ғалымдар мен ЖОО студенттері үшін Қазақстан мен шет елде өтетін ғылыми конференцияларға, симпозиумдарға, семинар мен конгрестерге;
- қазақстандық жас мәдениет және өнер қайраткерлеріне, сондай-ақ шығармашылық ұжымдарға Қазақстан мен шет елде өтетінфестивальдерге, байқауларға, симпозиумдарға, тәлім алу сабақтарына, биеннале мен конференцияларға қатысу үшін беріледі.
Өтініш беру мерзімі: 2020 жылдың 17 ақпан мен 30 қараша аралығы.
Грант бөлу Ережесі мен қатысушы өтініші:
- Жас ғалымдарға арналған Ереже мен өтініш үлгісі - Грант бөлу Ережесі мен өтініші үлгісі_ғылым.doc
- Мәдениет пен өнер қайраткерлеріне арналған Ереже мен өтініш үлгісі - Грант бөлу Ережесі мен өтініші үлгісі_өнер.doc
Байқауға қатысу өтініштерін төмендегі мекен-жайға жіберіңіз:
050059, Алматы қ., Иванилов көшесі, 12А
Қазақстан Республикасының Тұңғыш Президенті - Елбасы қоры
Қосымша ақпарат үшін байланыс:
+7 (727) 220 92 24, 220 90 29 roza@fpp.kz — Едигеева Роза Макашевна — жас ғалымдар үшін.
+7 (727) 220 92 14, 220 90 29 stm@fpp.kz — Исмаилов Тимур Муратович — мәдениет пен өнер қайраткерлері үшін.
