«Қазақстандықтар елдің өркендеуі әр азаматтың еңбегіне, оның біліміне, жауапкершілігіне байланысты болып табылатын біртұтас және бөлінбейтін отбасы»
Толығырақ
«Біздің жастарымыз ғылым мен білімге ұмтылып, елдің болашағын ойлайтын болса, келешегіміз кемел, тәуелсіздігіміз баянды болады»
Толығырақ
«Терең білім тәуелсіздігіміздің тірегі, ақыл-ой азаттығымыздың алдаспаны»
Толығырақ
«Менің Ұлт Көшбасшысы ретіндегі мақсатым – Қазақстанды болашақ ұрпақ мақтана алатындай деңгейге көтеру»
Толығырақ
contest-img

"Мың бала" жобасы жыл сайын ауылдық жерлердегі 5 және 6-сынып оқушылары арасынан 1000 дарынды баланы анықтауға, олардың құрдастарымен сәтті бәсекеге түсе отырып, еліміздің ең үздік білім ошақтарында оқуға мүмкіндік береді.

Басты мақсаты - ауылдық жерлердегі мектеп оқушыларының таланттары мен қабілеттерін дамыту және қолдау үшін жағдайлар жасау.

Олимпиадаға қатысушылар: Қазақстан Республикасы ауыл мекендеріндегі білім алатын 5 және 6-сынып оқушылары.

Қатысу шарттары:

  • Олимпиадаға Қазақстан Республикасының соңғы екі оқу жылында ауыл мектептерінде білім алып жатқан 5 және 6-сынып оқушылары қатысады.
  • Олимпиадаға қатысуға бұған дейін қатысқан ауыл мектептерінің 6-сынып оқушылары қайта өтініш беруге құқылы.

Олимпиадаға тіркелуді 1000bala.elbasyacademy.kz сайтында жүргізуге болады.

«Мың бала» Олимпиадасында іріктеу рәсімі қалай өтеді?

I-кезең

Бірінші кезеңде ауыл мектептерінің 5 және 6-сынып оқушылары арасында 5 мың финалистті іріктеледі. Бірінші кезең танымдық ойлау деңгейін анықтауға арналған тесттерді қамтиды. Кешенді тестілеу «логикалық ойлау» және «кеңістіктік ойлау» бөлімдерінен тұрады.

Олимпиадаға қатысушылар I-кезеңнің кешенді тестілеуін өз таңдауы бойынша: қашықтан онлайн режимінде немесе жергілікті білім беруді басқару органдары ұсынған арнайы жабдықталған үй-жайларда өте алады.

II-кезең

Екінші кезеңде финалистер арасында 1 000 жеңімпаз іріктеледі. ІІ-кезеңді өткізу орындарында оқушылардың қатысуы міндетті.

Іріктеу компьютерлік тестілеу нәтижелері бойынша жүргізіледі, оған бөлімдер бойынша оқушылардың академиялық білімін бағалау кіреді:

  • «Математикалық сауаттылық»;
  • «Қазақ тілі», қазақ тілінде білім алатын оқушылар үшін;
  • «Орыс тілі», орыс тілінде білім алатын оқушылар үшін;
  • «Ағылшын тілі»;
  • «Жаратылыстану».

«Мың бала» олимпиадасына қатысу қорытындысы бойынша:

  • Ең көп балл жинаған жеңімпаздарға дарынды балаларға арналған мамандандырылған мектептерде, оның ішінде Дарын, БИЛ мектептерінде білім алу ұсынылады.
  • «Мың бала» олимпиадасының барлық қатысушыларына одан әрі білім алу және дағдыларын дамыту үшін Елбасы Академиясының «Birge Oqý» онлайн мектебіне тегін қабылдану мүмкіндігі беріледі.

Қосымша ақпарат үшін 8 800 080 48 48 нөміріне хабарласуға болады (қоңырау шалу тегін)

 

contacts-Асанова Жазира Қанатқызы
Асанова Жазира Қанатқызы
"Myń Bala" жобасының үйлестірушісі

"Мың бала" Ұлттық Олимпиадасы

MYŃ BALA

Әлеуметтік навигатор