Жоба туралы ақпарат

Шығармашылық: Студентік шәкіртақылар

Бағыт типі

Бiлiм беру

Құжаттар

Жоқ

Жауапты тұлғалар

Исмаилов Тимур Муратович
Жобаның басты үйлестірушісі
tismailov@fpp.kz

ҚОРДЫҢ СТУДЕНТТІК ШӘКІРТАҚЫСЫ

Қордың атаулы студенттік шәкіртақысы студенттердің оқу, ғылым және шығармашылық қызметтерін марапаттау үшін беріледі. Шәкіртақы байқау қорытындысы бойынша дербес беріледі және жалпыға ортақ белгіленген шәкіртақыдан бөлек төленеді.
Байқауға тегін және ақылы негізде білім алатын студенттер қатыса алады.

ҮМІТКЕРЛЕР

Байқауға келесі талаптарға сәйкес келетін ҚР жоғары және орта арнайы білім орындарының күндізгі оқу бөлімінің студенттері қатыса алады:

  • Кемінде екі оқу курсын жақсы аяқтағандар;
  • Академиялық үлгерімнің максималды көрсеткішіне ие студенттер (үздік үлгерім);
  • Оқу орнының кафедралары мен бөлімшелерінің қоғамдық, ғылыми-зерттеу және тәжірибелік жұмыстарына белсенді қатысқандар;
  • Студенттер мен оқытушылар арасында беделге ие студенттер.

БАЙҚАУ КЕЗЕҢДЕРІ

Байқау екі кезеңде өткізіледі:

  • үздік студенттерді оқу орнының ішінде  іріктеу;
  • республикалық тур  оқу орындары ұсынған және байқауға жіберілген студенттер арасында Қордың ұйымдастыруымен  өтеді.

ӨТІНІШ БЕРУ

Оқу орны көрсетілген мерзімде қажетті құжаттардың тізімімен бірге байқау өтініштерін береді (Қордың студенттік шәкіртақысын беру ережелерін қараңыз). Оқу орнының мөрімен расталған бір дана өтініш барлық қосымша құжаттармен беріледі.
Өтініштерді қабылдау әдетте маусым-қыркүйек айларында жүргізіледі.

ШӘКІРТАҚЫ БЕРУ
Шәкіртақы иегерлерін Қордың құрамында кемінде 5 мүшесі бар байқау комиссиясы анықтайды. Комиссия шешімі қарапайым ашық дауыс беру арқылы қабылданады.

ҚОСЫМША ШАРТТАР

Байқау комиссиясы үміткерлерді әңгімелесуге шақырады және оқу орындарынан қосымша мәліметтер мен құжаттар сұрата алады.
Тең түскен жағдайда басымдық өз жетістіктерін сертификаттарымен, мақтау қағаздарымен, баяндамаларымен, жарияланымдарымен, жүлделерімен растаған, сондай-ақ халықтың әлеуметтік осал тобына жататын үміткерлерге беріледі.

ШӘКІРТАҚЫ ТӨЛЕМІ

Шәкіртақы мөлшерін Қор бір оқу жылына белгілейді және ай сайын оқу мерзімінде (маусым, шілде, тамыз айларын қоспағанда) төленеді.
Шәкіртақы төлемі Қор мен шәкіртақы алушы арасында шартқа қол қойылғаннан кейін жүзеге асырылады.

Шәкіртақы төлемі келесі жағдайларда тоқтатылады:

  • оқу мерзімінің аяқталуы;
  • студенттің академиялық демалысқа кетуі;
  • студенттің басқа оқу орнына, оның ішінде алмасу шеңберінде өтуі (ауыстырылуы);
  • академиялық үлгерім көрсеткіштерінің төмендеуі (кезекті сессия қорытындысы бойынша);
  • студенттің оқу орнынан шығарылуы;
  • шәкіртақы алушының қоғамдық тәртіпті және/немесе оқу тәртібін бұзуымен байланысты әрекет жасауы.