Түркістан мен Жамбыл облысында 4 оңалту орталығы ашылды
Халықаралық мүгедектер күні қарсаңында ерекше қажеттілігі бар балаларға арналған «Қамқорлық» жаңа орталықтары ашылды
Түркістан және Жамбыл облысында ерекше қажеттілігі бар балаларға арналған 4 әлеуметтік маңызды нысан - Қапланбек ауылындағы ерте араласу орталығы, Тараздағы аутизмі бар балаларға арналған ерте араласу орталығы және Шу қаласындағы 18 жасқа дейінгі балаларға арналған оңалту орталығы жұмысын бастады.
«Қамқорлық» ерте араласу орталықтарының ерекшелігі, 3 жасқа дейінгі балалармен жұмыс істеу арқылы патологияның даму қаупін азайтуға немесе толығымен жоюға болады. Бұл үшін орталықта барлық жағдай жасалған, олардың әрқайсысы жыл сайын 600 баланы тегін оңалтуға қауқарлы.
«Ерте араласу орталықтары балалардың мүгедектік деңгейін төмендетуге бағытталған. Көпсалалы мамандар тобының кешенді тәсілі оның даму ерекшеліктерін ескере отырып, әр баланы оңалтудың жеке жоспарын жасауға мүмкіндік береді. Ерте жастағы балаларға арналған тағы 7 орталық ашу жоспарланған», - деді «Қамқорлық қоры» Корпоративтік қор директоры Арайлым Еркінова.
Аутизммен ауыратын балаларға арналған «Қамқорлық» орталығы АҚШ-тың жетекші аутизм орталықтарының тәжірибесін және аутизм спектрінің бұзылуымен жұмыс істеудің тиімді әдістерін қолданады. Ол 1,5 пен 18 жас аралығындағы 125 балаға арналған, оларға Нұрсұлтан Назарбаев Қорының қолдауымен оқытылған мамандарға кешенді қолдау көрсетіледі.
Шу аудандық орталық ауруханасының базасындағы «Қамқорлық» нейро-ортопедиялық бұзылысы бар балаларға арналған оңалту орталығы – бұл Қазақстан бойынша серіктестермен бірлесіп ашылған және шалғайдағы аудандардағы балаларды оңалту көмегін көрсететін 15 мемлекеттік орталықтың бірі. Ол заманауи оңалту жабдықтарымен жабдықталған, онда емдік дене шынықтыру залы, механотерапия және кәсіптік терапия кабинеті, тұз және шунгит бөлмесі және т.б. бар.
2020-2023 жылдар аралығында Қазақстанда барлығы 15 оңалту орталығы, 13 «Қамқорлық» ерте араласу орталығы, сонымен қатар, аутизмі және басқа да ақыл-ой кемістігі бар балаларға арналған 5 орталық ашылды.
