Қазақстанға кезекті жеңісті талантты Аделина Мухаметжанова сыйлады
Жас қазақстандық Нью-Йорктен үлкен жеңіспен оралды. Талантты Аделина Мухаметжанова American Protégé академиялық вокалистер халықаралық байқауының I дәрежелі лауреаты атанды. Осындай айтулы музыкалық жарыста елімізді алғаш рет көрсетуге ҚР Тұңғыш Президенті – Елбасы Қоры көмектесті.
Айта кетерлігі, Аделина тек Қазақстаннан ғана емес, сонымен қатар бүкіл ТМД-дан қатысушылардың арасында жалғыз болды. Сонымен бірге шығармашылық сайысқа АҚШ, Ұлыбритания, Канада, Австралия, Италия, Тайланд, Германия, Қытай, Үндістан және Малайзиядан келген музыканттар қатысты.
American Protégé конкурсының күрделілігі туралы, әлемнің түкпір-түкпірінен алынған мыңдаған өтінімдердің ішінен финалға әр түрлі жастағы 31 орындаушы ғана шыққаны дәлел болады. Байқаудың қатаң талаптары мен кәсіби қазылар алқасы жүзден жүйріктерді анықтады. Олардың қатарында Елбасы Қорының трэвел-грантының иегері Аделина Мұхаметжанова да болды, ол өз жас санатында I орынды жеңіп алды.
American Protégé финалистерінің ерекше мақтанышы, олар атақты Карнеги Холл сахнасында өнер көрсетті. Біздің отандасымыз аты аңызға айналған залдың қабырғасында, композиторы Эннио Морриконе болып табылатын Сараы Брайтманның “Nella Fantasia” әнін орындады.
— Қазақстан осы байқауға алғаш рет қатысты, сондықтан мен үшін және біздің еліміз үшін-бұл үлкен жеңіс! Түрлі елдердің конкурстарына қатыса отырып, American Protégé жоғары кәсіби деңгейде өткенін атап өткім келеді және біз ұйымдастырушыларға әлемнің үздік залдарының бірінде өнер көрсету мүмкіндігін ұсынғаны үшін алғыс айтамыз. Қазақстан Республикасының Тұңғыш Президенті – Елбасы қорына осы жобаға қатысу үшін үлкен алғысымды білдіргім келеді. Қазіргі уақытта мен біздің елімізді Италия мен Ұлыбританиядағы байқауларда таныстыруға дайындалудамын, — деп әңгімеледі Аделина Мухаметжанова.
Аделинаны жеңісімен құттықтаймыз және оған жаңа жеңістер тілейміз!
