Қазақстандық модельерлер Azerbaijan Fashion Week 2019-да капсула топтамасын ұсынды
Апалы-сіңілілі Айя мен Бота Қырғызбаевалар шығармашылық жоба - ұлттық нақыштағы әйелдер киімінің капсулалық коллекциясын құрғандары үшін Тұңғыш Президент Қорының грантын жеңіп алды. Ерекше бейнелерді дарынды жас модельерлер Бакудегі Azerbaijan Fashion Week 2019-да ұсынды.
Дизайнерлер қазақтардың тарихи киімдерінің элементтері бар заманауи киім жинағын дайындады. Коллекция әйелдердің негізгі гардеробы – жейде, шалбар, юбка, пальто, жакеттер түрінде, сондай-ақ рюкзактар түріндегі аксессуарлар болып ұсынылды.
Киім тігудің барлық сатыларында табиғи және бірегей маталар қолданылды, олардың арасында зығыр, мақта, жүн, сондай-ақ бүртік, твид және т.б. бар. Коллекцияны құру процесінің өзі техникалық лекалоның ұзақ және егжей-тегжейлі әзірлеуінен, тұжырымдаманы талдаудан, қажетті материалдар мен фурнитураларды іріктеу мен сатып алудан, ательеде жиынтықтарды технологиялық құрастырудан және тігуден тұрады.
— Жобаны іске асыру барысында біз бай мәдени мұрамыздың бір бөлігі ретінде бірегей өзіндік киім түрлерін өзгертіп, қазіргі заман шындығына бейімделіп, идеяның бастапқы тұтастығын сақтадық. Қазіргі қазақстандық әйел үшін ерекше және қысқа бейнелер пайда болды, — деді коллекция авторлары.
Көркем әдістер, қолмен жасалған жұмыс, түстерді араластыру және матаның әр түрлі факторларын біріктіру қолданылған ерекше коллекция Әзірбайжаннан, Үндістаннан, Мароккодан, Ресейден, Өзбекстан мен Франциядан келген дизайнерлер, байерлер мен шынайы сән табынушыларын таң қалдырды.
«Алғаш рет Azerbaijan Fashion Week подиумында Қазақстан атынан келген Қырғызбаевтардың шығармашылық дуэтінің дебюті өтті. ҚР Тұңғыш Президенті – Елбасы Қорының қолдауымен құрылған коллекция, екінші күнгі көрсетілімдердің ішінде ең ерекше және сонымен бір мезгілде нағыз көз тартатыны болып табылды. Гардероб заттары мен сыртқы киім, сондай-ақ көлемді рюкзактар тек подиумда ғана емес, күнделікті өмірде де өзекті және орынды көрінеді» — дарынды балаларға арналып айтылған кәсіби пікірлердің бірі осылай болды.
