Қордың стипендиаты Әнел Әубәкірова мемлекеттік гранттың иегері атанды

Астанада салтанатты марапаттау рәсімі өтіп, Әнел Әубәкірова «Тәуелсіздік ұрпақтары» мемлекеттік грантының «Мәдениет» номинациясы бойынша иегері атанды. Бұл грант ғылым, мәдениет және қоғамның дамуына елеулі үлес қосып жүрген ең дарынды әрі мақсатшыл қазақстандық жастарға беріледі. 

Әнел 2024 жылғы Нұрсұлтан Назарбаев Қорының стипендиясын да иеленіп, өзінің жоғары білімі мен айрықша жетістігін дәлелдеді. 

Алматы қаласының тумасы Әнел Құрманғазы атындағы Қазақ ұлттық консерваториясының 4-курс студенті, мамандығы «Арт-менеджмент». Оқу жылдары ішінде ол «Арт-менеджмент» кафедрасының аға оқытушысы, PhD докторы Әйгерім Оспанованың жетекшілігімен талай жетістікке жетті: 

    • 10 республикалық және халықаралық байқаулар мен олимпиадалардың жеңімпазы атанды.  
    • 10-нан астам ғылыми еңбегін жариялап, оның ішінде Санкт-Петербургте өткен VI жас ғалымдардың ғылыми-тәжірибелік конференциясының пленарлық отырысында баяндама жасады (2023).  
    • 20-дан астам мәдени және әлеуметтік жобаларды ұйымдастыруға қатысты. 

Әнел бұған табандылығы, тәлімгерлерінің қолдауы және Қазақстанның мәдени мұрасын дамытуға деген ұмтылысының арқасында қол жеткізді. 

Әнел үшін ғылым мен шығармашылық әлеуетін ашуға, өзгелерге шабыт сыйлауға және мәдени дәстүрлерді сақтай отырып болашақ құруға деген мүмкіндік. Ол қоғамдық жұмыстарға атсалысу көшбасшылық қасиеттерді дамытуға және қоғамға пайдасы тиетін жобаларды жүзеге асыруға көмектесетініне сенеді. 

Әнел Қазақстан жастарын өзіне сенуге және барлық мүмкіндікті пайдалануға шақырады: «Ешқашан жеткен жетістіктеріңізбен тоқтап қалмаңыздар. Талмай еңбек етсеңіз, армандарыңыз орындалады. Сіздің жетістіктеріңіз еліміздің жарқын болашағының кепілі». 

Әнел Әубәкірова – талант, еңбекқорлық және мақсат қою білу арқылы зор жетістіктерге жетіп, өзгелерді де жаңа белестерді бағындыру жолында үлгі-өнеге.