Тұңғыш Президент музейінде Астананың қалыптасу және даму тарихына арналған тақырыптық экскурсиялар топтамасы өтті

  Астана күні қарсаңында Тұңғыш Президент музейінде елорданың қалыптасуы мен даму тарихына арналған тақырыптық экскурсиялар циклі өтті.

Экскурсиялық бағдарлама бас қаланың 150-ден астам тұрғыны мен қонағын біріктірді. Келушілер Астана тарихының негізгі кезеңдерімен және тәуелсіз Қазақстан тарихындағы маңызды оқиғаларды бейнелейтін музей материалдарымен танысты.

Алғаш рет Тұңғыш Президенттің Жұмыс кабинеті мен Жеке кітапханасын қамтитын жаңа экскурсиялық бағыт ұсынылды.

Бағдарлама аясында «Астана – Тәуелсіздік символы» экспозициясы, Шүкір Шахайдың «Объективтегі қала» фотокөрмесі және Бақытнұр Бүрдесбековтің «Кенептегі қала» атты жеке көрмесі таныстырылды.