Оқыту формасы бағдарламаның бірегей ерекшелігі

Салалық менеджерлерді даярлау бағдарламасы - бірегей жоба.  Оның ерекшелігі – оқыту формасының қолданылуы. Біздің жобамызда оқыту  процесі қызметкерлерге оқу бағдарламаларының тізімін беріп,  олар өздеріне қызықты курстарды таңдайтын  классикалық принциптерге негізделмеген.

Біз ересек адамдарды оқыту ерекшеліктерін ескереміз, яғни оқыту іс әрекетпен сүйемелденеді. Мысалы менің қоршаған адамдармен қарым-қатынасым, біреуді сендіру қабілетім. Егер мен бұл қабылеттерді тәжірибе жүзінде ұжымда, командада жаттықтырсам және үнемі кері байланыс алуға тырысатын болсам, мен «Сендіру дағдылары» курсын тыңдап қана қоймай, осы дағдылардың дамуына әсер етемін. Өзіме қауіпсіз ортада жаттығамын.  Біздегі  оқытудың  басты көрінісі -  сындарлы кері байланыс орнату және коучтерге, топ көшбасшысы мен қатысушыларына қолдау көрсету. Сондықтан, біз команда қатысушыларынан кері байланыс алу үшін өз көшбасшысымен және әріптестерімен жеке даму жоспарларымен бөлісуді сұрайтын шығармыз.

Бағдарламада оқыту үлгісі келесідей. Маған тапсырманы көрсетіңіз. Ол маған қызықты болуы керек және ол менің мүмкіндігімнен жоғары болуы керек. Мен оны жалғыз шеше алмаймын, сондықтан маған шағын топ қажет, біз  бұл міндетті талқылаймыз, апробациялаймыз, сынап көреміз, қателесеміз, пікірталастар мен талқылаулар өткіземіз. Сонымен қатар теориялық білім, ақпараттық ресурстарға қол жеткізу, бұрын ұқсас міндеттермен жұмыс істеген мамандармен әңгімелесу және т. б. түрінде қолдау көрсетіледі.

Мұнда жеке оқыту қолданылады. Тапсырма бар, команда бар. Біз әр қатысушыдан сіздің салалық міндеттеріңізді шешу үшін қандай қосымша білім қажет екенін сұраймыз. Дәл қазір қатысушылар кәсіби коучтермен кездесіп, жеке даму жоспарларын (ЖДЖ)  әзірлеуде. Кейде бұл кездесулер 3 сағатқа дейін созылады. Қатысушылар ойлау, өзін-өзі бақылау, олардың міндеттерін шешу үшін қандай оқыту қажет екендігі туралы ойланады.

Сондықтан Бағдарламаға қатысушыларды оқыту тиімділігі олардың құрастырылған жеке даму жоспарын іске асыра алады ма нәтижесімен бағаланады. Әрине, оларға кәсіби мамандар көмектеседі. Бұл оқыту тұрғысынан тиімді. Бағдарламаның өз тиімділігінің тағы бір маңызды көрсеткіші – бұл  салалық міндеттердің дайын шешімдері.

Бағдарламаға қатысушылар әр түрлі. Сондықтан команда көшбасшысында әр түрлі пікірлер мен көзқарастарды біріктіріп жинау  қабылеті болуы тиіс. Адамдардың  бір-бірімен келісе алмау, өз амбицияларына жол беру қауіпі бар. Және кейбір командаларда бұл қазір байқалып та жатыр, олар бір-бірін зерттеуде, бір-біріне бой үйретуде. Кейде бұл процес  ауыр өтеді. Біз оны командалық динамика деп атаймыз. Одан әрі даму үшін барлық командалар осы кезеңнен өтуі керек. Егер олар нәтижеге қол жеткізгісі келсе, олар өз эмоцияларын сыртқа шығарып,  нәтижесінде сенімге келуі керек.

Қатысушылар арасында өтетін командалық коучинг сессиясы сенім мен құндылықтардан құрылған. Яғни, команда кенеттен нәтижелігін жоғалтса, команда қатысушылары бастапқы қадамдарға, алғашқы бір-біріне берген келісімдеріне қайта оралуы керек. Бұл бір-біріне деген сенім және бір-бірін тыңдау қабілеті. Команданың құндылықтары осындай.

Біз қазір өзгере білу, жағдайға бейімделе білу өте маңызды болатын дәуірде өмір сүрудеміз. Бағдарламаға қатысушылар нәтижеге жету үшін не өзгерту керек, команданың басқа мүшелеріне қалай көмектесе аламын деген сұрақтарға жауап іздей бастайды. Қатысушылар жауап тапқан кезде өзгерістер болады. Бұл суға тасталған тас сияқты. Өзгерістер бастапқыда қатысушылардың өздерінде, одан әрі командаларда болуы тиіс, содан кейін олар кәсіби қауымдастықтарда таратылуы тиіс.

Біз бұл бағдарламаны түсіну тұрғысынан маңызды етіп жасағымыз келеді. Өзін және қоршаған ортаны қалай өзгертуге болады. Ең бастысы, бұл салалық міндеттерді кәсіби шешуге ықпал етуі тиіс.

«Елбасы академиясы» КҚ Көшбасшылықты дамыту орталығының басшысы Гүлмира Раисованың exclusive.kz.басылымына  берген сұхбатынан.