Мұра
«Тұңғыш Президент Музейі» корпоративтік қоры 2023 жылы Қазақстан Республикасы Тұңғыш Президентінің мұрасын сақтау, зерделеу және ілгерілету жөніндегі міндеттерді іске асыру үшін құрылды. «Мұра» бағыты шығармашылық және ғылыми тәсілдер арқылы Қазақстанның тарихи-мәдени мұрасын дамытуға және қолдауға ықпал ететін музей жобаларын біріктіреді.
Бұл жобалар мәдениетаралық байланыстар орнатуға, ұлттық тарих пен мәдениетті насихаттауға, сондай-ақ шығармашылық әлеуетті ынталандыруға бағытталған. Бұл жобалар тарихи және мәдени материалдарға қоғамдық қолжетімділікті қамтамасыз етеді, ғылыми зерттеулер мен білім беру іс-шараларын ұйымдастырады, осылайша музейлер, ғылыми мекемелер мен жалпы жұртшылық арасындағы байланысты нығайтады.
Әлеуметтік навигатор
Жобалар
«MuraJaily» музейлік подкасты
Жоба Қазақстан тарихы; музей экспонаттары, олардың шығу тегі, маңызы және олар туралы қызықты фактілер; отандық және әлемдік тарихта маңызды рөл атқаратын оқиғалар туралы білімді таратуға бағытталған.
«Ulttyq qazyna» экскурсиялық жоба
Жоба қатысушыларды қазақ халқының бай тарихына, мәдениеті мен дәстүріне баулуға арналған.
«Артефакт» ғылыми-іздестіру жобасы
Жобаның мақсаты архив, кітап және музей қорларын анықтау, толықтыру, жинақтау үшін ғылыми-іздестіру жұмыстарын ұйымдастыру, сондай-ақ зерттеу нәтижелерін көпшілікке танымал ету мақсатында жиналған материалдарды ғылыми зерттеу болып табылады.
«Диалог өнері» көрме жобасы
Жоба шығармашылық индустрияны, білім беру, өнер және мәдениет саласындағы жақын және алыс шет елдердің музейлерімен ұзақ мерзімді ынтымақтастық орнатуға және мәдениетаралық байланыстарды дамытуға бағытталған.
