Елордада 100-ге жуық қазақстандыққа “Елбасы медалі” табыс етілді

Бағдарлама спорт, кітап, оқу, ұлттық мұра, еріктілік, экспедициялар мен жорықтар, еңбек тәжірибесі, дарын мен дағды сынды 7 негізгі бағыттан тұрады. Бұған 14 пен 29 жас аралығындағы қазақстандықтар қатыса алады.

Біздің жобаға 20 мыңнан астам жас бала қатысады. Жобаға қатысушылар спортта, мәдениетте және шығармашылықта жаңа дағдыларды дамытады. Нәтижелерге қарасақ, 605 медаль иегеріне білім гранттары берілді. Олардың 30%-ы ауыл мектептерінің түлектері. Әрине, біз қатысушыларымызды мақтан тұтамыз, жаңа Қазақстанның дамуына елеулі үлес қосатындардың қатарында болып, лайықты азамат атанады деп санаймыз, - деді «Елбасы Академиясы» КҚ директоры Асланбек Әмрин.

Нұрсұлтан Назарбаев Қоры атқарушы директорының орынбасары Әлкей Марғұланұлының айтуынша, «Елбасы медалі» жобасының жеңімпаздары мен жүлдегерлері оқуға түсер алдында үлкен бәсекелік басымдыққа ие болады. Бағдарлама жастардың бойында қоғамды өзгертуге, білімін дамытуға деген сенімін нығайтады.