Алматыда Майя Плисецкаяның шығармашылық және өмір жолы туралы дәріс өтті
Алматыда ұлы балерина Майя Плисецкаяға және оның белгілі француз балетмейстерлерімен, жазушыларымен және сәнгерлерімен ынтымақтастығына арналған Дамир Оразымбеттің ашық дәрісі өтті. Дәріс "Өнер тәрбиесі" жобасының екінші сериясы еді — бұл хореографиялық өнер тарихы туралы кездесулер-әңгімелер болды, онда тыңдаушыларға балет әлемі жаңа қырынан ашылды.
Көрнекті балерина қалыптасқан қағиданы болды, өнердегі бостандық үшін күресті, әдемі өмір сүруді жақсы көрді. Алайда оның бәрі шығармашылық тағдырында қалыптасқан жоқ. "Майя Плисецкая және ұлы француздар" атты ашық дәрісте театр режиссері және балетмейстер Дамир Оразымбет балерина өмірінің беймәлім тұстары туралы айтты.
Іс-шара әртүрлі саладан 200-ге жуық адамды, оның ішінде Алматының түрлі жоғары оқу орындары студенттерінің басын қосты.
Өнертану ғылымдарының докторы, Жүргенов академиясының профессоры Сангүл Қаржаубаева: "Дамир Оразымбет Майя Плисецкаяның өміріндегі ерекше деректер мен тамаша оқиғалар, оның ХХ ғасырдың мәдениетіне, өнеріне, философиялық ойына зор үлес қосқан көрнекті француздармен достығы мен шығармашылық ынтымақтастығы туралы қызықты айтып берді. Дәріс маған қатты әсер етті”, - деді.
Оның Академиядағы әріптесі, өнертану кандидаты Әлия Шәнкібаева: "Дәріс өте жақсы кәсіби деңгейде өткізіліп, ұйымдастырылды. Материал ұлы балеринаға деген жылулық пен сүйіспеншілікпен ұсынылды, тыңдаушылар ұйып тыңдады. Осындай керемет жобаның лекторы мен ұйымдастырушыларына рахмет!».
Көрермендер риза болып, іс-шарадан кейін ұзақ уақыт бойы Плисецкаяның шығармашылығы мен дәріс материалдарын талқылап, көпке дейін тарамады. Музыкатанушы Гүлнәр Ғизатова өз пікірімен бөлісті: "Дәріскер менің санамнан, жүрегімнен, жадымнан өше бастаған нәрсені қалпына келтірді, дәрісте тек өнер саласынан ғана емес, барлық адам үшін де қызықты болды. Іс-ша
радан кейін әріптестерім екеуміз біраз серуендеп, бұл күннің сәтті болғанын айттық, өйткені біз Дамир Оразымбеттің дәрісіне қатыстық".
Айта кетейік, іс-шара Qazaq Вallet ғылыми-шығармашылық зертханасының бастамасымен Нұрсұлтан Назарбаев Қоры мен ЮНЕСКО-ның Қазақстан Ұлттық клубтар федерациясының қолдауымен өтті.
