«Аман келешек» балалар мен жасөспірімдерге арналған инклюзивті фестиваль жаңа форматта өтеді
Аталған жоба бойынша ҚР Тұңғыш Президент Қоры қазақстандық қоғамға «инклюзия» ұғымын кеңейтуді ұсынады.
19 қазанда /сенбі/ ҚР Тұңғыш Президент Қоры Алматы әкімдігінің қолдауымен алтыншы рет «Аман келешек» - «Здоровое будущее» инклюзивті фестивалінің күмбезінің астында балалар мен жасөспірімдерді жинайды. Әлеуметтік бейімделу мен әлеуметтендіруде ерекше балаларды қолдауға арналған фестивальде Алматы қаласы мен еліміздің басқа өңірлерінен 3 000-нан астам қатысушы жиналады. Елбасы Қорының әлеуметтік маңызы бар жобасының басты серіктестерінің бірі БҰҰ Балалар Қоры (ЮНИСЕФ) Қазақстан болды.
«Аман келешек» балалардың инклюзивті мәдени-спорттық фестивалі Қазақстанда 2014 жылдан бері өтуде. Осы уақыт ішінде оған бүкіл елден 20 000-нан астам балалар мен жасөспірімдер қатысты. Бұл мүмкіндігі шектеулі балалар, аз қамтылған және көп балалы отбасылардың балалары, балалар үйлері мен интернаттардың тәрбиеленушілері, дарынды балалар, жас спортшылар, мектеп олимпиадаларының жеңімпаздары мен конкурс лауреаттары.
«Аман келешек» республикалық фестивалінің миссиясы балалар мен жасөспірімдер үшін олардың әлеуметтік мәртебесіне қарамастан шығармашылықта, спортта және білім беруде тең мүмкіндіктерді қамтамасыз ету болып табылады. Осы міндетті жүзеге асыру үшін Тұңғыш Президент Қоры әріптестермен бірлесіп фестиваль аясында жас қазақстандықтардың таланттары мен ішкі әлеуетін жүзеге асыру үшін барлық қажетті жағдайлар жасайды.
Егер бұрын фестиваль хореография, жауынгерлік өнер, робототехника, цирк өнері, кинофильмдер өндірісі, авиамоделдеу, ат спорты, шахмат және т.б. бағыттар бойынша шеберлік-сабақтар ғана дамитын кеңістік болса, биылғы жылы «Аман келешек» үйреншікті форматты өзгертеді. Алдағы фестиваль бағдарламасында балалар мен эстрада жұлдыздарының қатысуымен концерттік бағдарлама, мотивациялық спикерлердің шабыттандыратын сөздер және іс-шараға қатысушылармен интерактивті ойындар өтеді.
Жаңартылған «Аман келешек» фестивалінің екінші бөлігі ерекше назар аударарлық, оның барысында үш ірі алаң – білім беру, шығармашылық және спорттық алаң жұмыс істейтін болады. «Білім» секциясында білім беру мекемелерінің өкілдері оқуға арналған гранттар бағдарламаларын таныстырады, мүмкіндіктері шектеулі балалар болашақта өздерін жүзеге асыра алатын мамандықтар туралы баяндайды, кәсіптік бағдар беру бойынша тренингтер өткізеді және т.б. ҮЕҰ өкілдері инклюзивті жобаларға қатысу тәжірибесімен бөліседі, әлеуметтік педагогтар үшін қысқа лекториялар мен тренингтер өткізеді.
«Шығармашылық» аймақ сурет және кескіндеме, қағаз үлгілеу, сәндік-қолданбалы өнер және флористика бойынша мастер-класстар өтетін барлық тілек білдірушілер үшін тартылыс орталығына айналады.
«Спорттық» секция аясында әлеуметтік инклюзивті бағдарламалар орталығы Салтанат Мурзалинова-Яковлева нормотипті балалардың, ерекше балалардың, олардың ата-аналары мен педагогтарының қатысуымен спорттық ойындар мен эстафеталар өткізеді. Осы алаңның міндеті-ойын форматында команда мүшелерінің күшті жақтарына сүйене отырып, секция қатысушыларының сапалы өзара әрекеттесуін үйрету.
«Аман келешек-2019» фестивалінің барлық бағдарламасы «инклюзия» ұғымын «әлеуметтік инклюзияға» дейін кеңейтуге бағытталған. Басқаша айтқанда, Тұңғыш Президент Қоры өзінің бәсекеге қабілетті ұлтты дамыту жөніндегі миссиясын басшылыққа ала отырып, фестиваль аясында әрбір адамды әлеуметтендіру үдерісіне – ерекше балаларды, аз қамтылған отбасылардағы балаларды, балалар үйлері мен интернаттардың тәрбиеленушілерін, дарынды балалар мен жас спортшыларды қосуға мүмкіндік береді.
Тұңғыш Президент қоры «Аман келешек» фестивалін өткізуге көмек көрсеткен серіктестерге: Алматы қаласының әкімдігі, БҰҰ Балалар Қоры (ЮНИСЕФ) Қазақстан, «Nur Otan» партиясының «Jas Otan» Жастар қанатының Алматы қалалық филиалы, Б.Шолақ атындағы Спорт және мәдениет сарайы, «Рахат» АҚ және «Рахат-Демеу» қайырымдылық қор» корпоративтік қоры, «Азия Су» Компаниясы («Тұран» суы), әлеуметтік инклюзивті бағдарламалар орталығы Салтанат Мурзалинова-Яковлева, «Таңдау» продюсерлік орталығы, Almaty Management University, «Синергия» бизнес мектебі, Болат Өтемұратов қоры, «Азамат әлеуеті» жеке қайырымдылық қоры алғыс білдіреді.
***
Құрметті БАҚ өкілдері!
Біздің елімізде маңызды әлеуметтік-маңызды фестивальге ақпараттық сүйемелдеумен қолдау көрсетуіңізді сұраймыз және сіздерді шақырамыз:
19 қазан күні /сенбі/ сағат 10:00-де Алматы қаласы, Абай даңғылы 44 мекен-жайы бойынша Б.Шолақ атындағы Спорт және мәдениет сарайына шақырамыз.
Төменде көрсетілген байланыстар бойынша аккредиттеу.
Байланыс үшін байланыстар:
Елбасы Қорының баспасөз қызметі
Алматы қаласындағы PR-менеджері Артур Жұмашев
+7 708 960 56 13, +7 (727) 220-92-16
