Цифрлық әлемде қалай қорғануға болады: Қорда ашық дәріс өтті

 Ел Президенті Қасым-Жомарт Тоқаев технология қарыштап дамып келе жатқан заманда білімге, жүйелі зерттеулерге, ғылымның түрлі саласындағы терең білімге ерекше көңіл бөлу қажеттігін үнемі айтып келеді.

Мемлекет басшысының осы ойын қолдаған Нұрсұлтан Назарбаев Қоры ғылыми қауымдастық өкілдерімен бірлескен іс-шаралар ұйымдастыру арқылы ынтымақтастықты жалғастырып отыр.

Кеше Қордың мәжіліс залында тыңдаушыларға арналған ашық дәріс өтті. Оны MNU Эмпирикалық және әлеуметтік зерттеулер орталығының ғылыми қызметкері, «Ақылды клуб» зияткерлік қауымдастығының негізін қалаушы Әмірлан Нұрғазин жүргізді.

Дәрістің өзегі бүгінгі күннің ең өзекті мәселелерінің бірі киберқауіпсіздік болды. Жиынға қатысушылар деректерді қорғау, желілік қауіпсіздік, қолданбалар қауіпсіздігі мен цифрлық жүйенің әлсіз тұстары сынды ақпараттық қауіпсіздіктің сан қырын талқылады.