Инновациялық жобалар

Бастама сипаттамасы

Цифрлық өнімдер нарығы өсіп отыр, яғни инновациялық қызметтер мен бағдарламаларды жасайтын мамандарға сұраныс артып келеді. Бұл салада Қордың KazRoboProject ғылыми-техникалық жобалар байқауы, AITU Open спорттық бағдарламалау олимпиадасы, «Озық ұрпақ» спорттық робототехника саласындағы оқытушылардың біліктілігін арттыру курстары және т.б. жобалар тиімділігін көрсетті.

Жыл сайын жобаларға жүздеген қазақстандық баланың қатысуы қуантады. Ал жобаның үздік қатысушылары АҚШ-тың NASA ғарыш агенттігінен бастап Қытай мен БАӘ-дегі инновациялық челлендждерге дейінгі ірі халықаралық байқаулардың жүлдегері атанды.