«Ғасырлармен астасқан қазақ биі»: әлемнің мәдени орталықтарындағы кітаптың тұсаукесері

2024 жылы «Ғасырлармен астасқан қазақ биі» кітабының тұсаукесері Алматы, Баку, Эдинбург және Санкт-Петербург сияқты әлемнің ірі мәдени орталықтарында өтті. Нұрсұлтан Назарбаев Қорының қолдауымен Qazaq Ballet Creative Lab дайындаған бұл кітап сарапшылар мен ғалымдар арасында үлкен қызығушылық туғызып, оң бағаланды.

«Ғасырлармен астасқан қазақ биі – қазақ биінің тарихы, оның дамуы және қазіргі жағдайын қамтитын ғылыми-зерттеу жобасы. Ұжымдық монографияның авторлары ретінде Қазақстан, Түркия және Американың белгілі өнер және ғылым қайраткерлері дайындаған 29 мақала жарық көрді. Кітап ұлттық болмысты сақтау, қазақ биін халықаралық деңгейде насихаттау және оны әлемдік мәдени қауымдастыққа біріктіру ісіндегі үлкен үлес болып табылады. Сонымен қатар, бұл еңбек кітап баспасының дамуына да ықпалын тигізеді.

Кітаптың тұсаукесері наурызда Қазақстанда, қыркүйекте Эдинбургтегі Heriot-Watt университетінің Ұлттық роботарийінде өткен XXI Халықаралық өнер, мұра және әлеуметтік маркетинг коллоквиумында, Бакудегі ICTMD зерттеу топтарының түркі әлемі музыкасы мен биі және «Echoes of Heritage: Navigating the Legacy of Music and Dance» жаһандық музыка тарихы бойынша бірлескен симпозиумында, желтоқсанда Санкт-Петербургтегі Ресей өнер тарихы институтында «Деректану бойынша жаңа әдебиет» атты Х дөңгелек үстелде кесілген болатын.

Qazaq Ballet Creative Lab 8 жылға жуық уақыт бойы қазақстандық хореографиялық мәдениет пен қазіргі заманғы өнер саласында маңызды мәдени жобаларды жасап, дамытумен айналысып келеді. Зертхана мәдени және білім беру мекемелерімен белсенді жұмыс істеп, көрмелер ұйымдастырып, бейнебаяндар түсіріп, кітаптар, журналдар мен альбомдар шығарып келеді.

Бұл Qazaq Ballet Creative Lab пен Нұрсұлтан Назарбаев Қорының алғашқы жұмысы емес. Бірнеше жыл бойы Қазақстан жастарына арналған креативті индустрия кластерінде білім беру мен ағарту саласындағы бірлескен жобалар жүзеге асырылды.