Лондондағы сән апталығында қазақстандық дизайнердің көрсетілімі өтті

Лондондағы De Vere Grand Connaught Rooms залында ELLE Style Awards сыйлығынан бастап әлемнің жетекші дизайнерлерінің көрсетілімі мен «Britain' s Got Talent» шоуына дейінгі ТМД-ның кәсіби подиумында ең жас дизайнер Лаальдің көрсетілімі өтті.

Ол қазақтың заманауи костюмі мен Ұлы даланың киіну үлгісіне жаңаша көзқарас сыйлады. Street-style стиліндегі утилитарлық, өнеркәсіптік костюмдер қошқар басы бейнеленген матадан жасалған оригамимен, ежелгі үңгір суреттерімен, кестелермен безендірілген. Корсеттердің, шапандар мен көйлектердің силуэттері мен дизайнының негізі көшпенділердің өнертабысы «киіз үйден» алынған.

Жобаның мақсаты Еуразияның ең байырғы халқының бірінің мәдениеті туралы терең түйсіну және әлемдік аренада көп қырлы қазақ мәдениетін дәріптеу. Үлкен төрттіктің (Лондон, Нью-Йорк, Милан, Париж) бірі ретіндегі Лондон сән апталығы жас дизайнердің тұсаукесері үшін тамаша орынға айналды.

Бұл 2022 жылдың күзіндегі Нұрсұлтан Назарбаев Қорының гранттық қолдауының арқасында өтті.

- Тоқымашылар отбасында дүниеге келген мен үшін қазақтар ежелгі кезде қолданған дәстүрлі техникалар үлкен құндылық және өнер нысаны болып табылады, - дейді Лааль.

Топтаманың костюмдерін кестелеу және әшекейлеу ғұндардың және Орталық Азияның басқа да көптеген көшпелі халқының жартастағы кескіндеме мен тоқыма бұйымдарының зооморфты және өсімдік мотивтерінің үлгісін қамтиды. Коллекцияны жасауға арналған маталар Шығыстың әртүрлі елдерінде өндіріліп, сатып алынды, бұл ежелгі және орта ғасырларда Шығыс Азияны Жерорта теңізімен байланыстырған Ұлы Жібек жолы мен оның мәдениетінің қазақ киіміне әсерін көрсетеді.

Eurasian Creative Guild мүшесі Лааль өз жобасын Лондондағы Юнус Эмре атындағы институтта көрсетті. Институт бүкіл әлем бойынша Юнус Эмре атындағы Түрік мәдениеті орталықтарының қызметін ұйымдастырумен айналысады.