Қор стипендиаты Ыбырай Өмірзақов: Қиындыққа тап болғанда біз өсіп, дамимыз

Жақында біз кезекті студенттік шәкіртақылар байқауын қорытындылаймыз. Әзірге, бұған дейін оның иесі атанған жанды таныстырамыз. Бүгін М.Қозыбаев атындағы Солтүстік Қазақстан университетінің «Қаржы» мамандығы бойынша білім алып жатқан Ыбырай Өмірзақовпен таныс болыңыздар.

Ыбырай көптеген грамота, сертификат, диплом және алғыс хатпен марапатталған табысты әрі белсенді студент. Бос уақытында ол көлік жүргізуді, кітап оқуды, фотосурет түсіруді, табиғатты зерттеуді және жаңа жерлерге барғанды ұнатады. Десек те көп уақытын ғылымға арнайды.

- Ғылым мені қызықтыратын тақырыптарды терең зерттеуге және көкжиегімді кеңейтуге мүмкіндік береді. Ғылым қоғамның дамуы мен прогресінің негізі деп білемін. Менің ғылыми зерттеуге қосқан үлесім жаһандық мәселелердің жаңа технологиясы мен шешімін табуға әкелуі мүмкін. Бұл менің адамдардың өмірі мен қоршаған ортаны жақсартуға қосқан үлесім, – дейді Ыбырай Өмірзақов.

Қордың шәкіртақысы оған «арманы мен мақсатына апаратын өзіндік көпірге» айналды.

– Бұл қаржылық қолдау ғана емес, сонымен қатар күш-жігерім мен әлеуетімнің мойындалуының символы. Бұл стипендияны алуға деген талпыныс мен үшін жай ғана ниет емес, күш-жігерім мен қабілетімді барынша көрсетуге түрткі болған ерекше сынақ болды, - дейді жас зерттеуші.

«Ешқашан армандауды және мақсаттарыңызға ұмтылуды тоқтатпаңыздар. Әрбір қадамыңыз бен күш-жігеріңіз жетістікке жақындатады. Сынақ пен тәуекелден қорықпаңыздар. Қиындыққа тап болғанда біз өсіп, дамимыз. Қателіктен сабақ алып, күн сайын жақсырақ жасауға тырысыңыздар», - дейді жастарға арнаған сөзінде Ыбырай