«AITUHackday: CSIA»: идеядан прототипке дейін

 83 мүшеден құралған 23 команда «AITUHackday: CSIA» хакатонында үздік атану үшін бақ сынасты.

Astana IT University ұйымдастырған және Нұрсұлтан Назарбаев Қорының демеушілігімен өткен бұл хакатон дарынды жастарды біріктірді. Олар нақты жоба үшін шешімнің прототипін әзірледі.

Хакатон – жай ғана жарыс емес, бұл шағын стартап-акселератор. Мұнда студенттер білімінің нақты жобада қаншалықты қолданылатынын тексереді.

Хакатонға қатысушылар түйткілді мәселенің ерекше шешімін іздеді, сарапшылармен жұмыс істеуді үйреніп, серіктес компанияға тың идея ұсынды.