"Smart Zholy" бағдарламасының үш қазақстандық стартапы Airbus-пен серіктестік орнатады

Біздің стартаперлеріміздің әлемдегі ең ірі авиақұрылыс компанияларының бірімен серіктестігі Нұрсұлтан Назарбаев Қорының «Smart Zholy» бағдарламасы арқасында мүмкін болды.

Бағдарлама Қазақстанның дарынды балаларының цифрлық жобаларының халықаралық нарыққа шығуын қамтамасыз етуде көмек көрсетуге бағытталған. Мұндай қолдау ірі әлемдік корпорациялармен ынтымақтастықта жүзеге асырылады.

Биыл бағдарлама төртінші рет өткізіліп, Сovid-19 пандемиясы жағдайында қашықтан өткен форматта ұйымдастырылды. Финалист 15 команда таңдалды, олар «Airbus» «Olam International» және т.б. бағдарламаның ірі корпоративтік серіктестеріне өз шешімдерін ұсынды.

Бағдарлама аясында Азия - Тынық мұхит аймағындағы технологиялар бойынша «Airbus» топ-менеджері Сайрил Швобпен өзара түсіністік туралы Меморандумға қол қойылды.

Енді үш стартап - «Microsec», «Automatico» және «SmartQ» «Airbus»-тың әртүрлі бөлімшелерімен байланысуға және жалпы жаһандық әуе индустриясына қол жеткізуге мүмкіндік алады.

«MicroSec» - Сингапурда орналасқан, негізін қалаушылардың бірі қазақстандық. Ол интернет-заттардың киберқауіпсіздігі саласында жұмыс істейтін стартап

«Automatico» - жұмыс процестерін автоматтандыру саласында Қара-Жыра кен орнында өз шешімдерін енгізген табысты қазақстандық стартап.

«SmartQ» - қазақстандық бағдарламашылар мен жетекші кореялық «UNIST» технологиялық университетінің түлектері жасаған жоба.