news-img

Қазақстан Республикасы Тәуелсіздігінің 30 жылдығы мен Тұңғыш Президент күніне арналған Ұлттық дебат турнирінің финалы өтті.

Турнирге еліміздің аймақтары мен республикалық маңызы бар қалаларында өткен іріктеу кезеңдерінің 80 жеңімпазы  қатысты.

Турнир барысында қатысушылар уақыт кеңістігі форматын пайдаланып, өткенге ой жүгіртіп, сол кездегі кейіпкерлердің атынан өнер көрсетті. Пікірсайысшылар Тәуелсіздіктің 30 жылдығы, креативті экономиканы қаржыландыру, қоғамдағы масылдық проблемаларын шешу, ядролық қарусыздану сияқты өзекті тақырыптарды көтерді, патриотизмнің жаңа тұжырымдамасын және т.б. ұсынды.

Естеріңізге сала кетейік, Ұлттық турнирді Елбасы Академиясының бастамасымен  Ұлттық пікірсайыс Федерациясы ұйымдастырды. Турнир М. Нәрікбаев атындағы ҚазГЗУ-де өтті.

Финалда 2 000 000 теңге жүлде қоры үшін қазақ лигасында «2002» (Алматы облысы) және «2001» (Ақтөбе облысы) командалары және орыс лигасында «2013» (Маңғыстау облысы) және «2004» (Нұр-Сұлтан қаласы) командалары бақ сынасты.

Турнир қорытындысы бойынша қазақ лигасының жеңімпаздары :

1 орын – Алматы облысы «2002» фракциясы

Арынов Азамат

Ашим Мадина

2 орын – Ақтөбе облысы «2001» фракциясы

Мырзатай Жансерік

Кәрімов Дамир

3 орын: Алматы қаласы «2000» фракциясы

Абдукаримова Арайлым Русланқызы       

Жәкен Нұрхан Дәуітбайұлы

 

Орыс лигасында жеңімпаздар болып:

1 орын – Нұр Сұлтан қаласы «2013» фракциясы

Дмитрий Беседин

Артем Давыдов

2 орын – Түркістан облысы «2004» фракциясы

Ролан Мухитжан

Диас Сайфула

 

3 орын – Маңғыстау облысы «2009»  фракциясы

Нурлан Муратбек

Богенбай Долдинов  атанды.

 

          Елбасы Академиясының басқарушы директоры Мұрат Жұманбай өз сөзінде, қазіргі жастар - еліміздің бәсекеге қабілеттілігінің нағыз көрсеткіші екенін атап өтті.  «Тәуелсіздіктің 30 жылдығы – бұл жай ғана дата емес, осы жылдар ішінде прогрессивті ойлайтын, білімді жастардың тұтас буыны қалыптасты. Тұрақты даму үшін өз тарихымызды білу және есте сақтау маңызды. Бүгінгі Ұлттық пікірсайыс турнирі біздің дұрыс жолмен келе жатқанымыздың тағы бір дәлелі», - деді.

«Біз осы тарихи маңызы бар оқиғаға айрықша басымдықпен қарап, жас ұрпақты қолдай отырып, прогрестің қозғаушысы болатын жаңа мамандарды даярлаудамыз», - деді Ұлттық пікірсайыс федерациясының президенті Болат Бұхарбай.

Сондай-ақ, турнир барысында үздік спикерлер анықталды. Қазақ лигасында Алматы облысының пікірсайысшысы Абдукаримова Арайлым Русланқызы, орыс лигасынан Нұр-Сұлтан қаласының пікірсайысшысы Артем Давыдов үздік спикер болып атанды.

Сонымен қатар, марапаттау рәсіміне «Қазақстан» РТРК» АҚ Басқарма төрағасының орынбасары Мақпал Жұмабай, журналист, теле және радио жүргізушісі Айкерім Есенәлі және басқа да қоғам қайраткерлері қатысты.             

Түсініктеме қалдыру