«Қазақстандықтар елдің өркендеуі әр азаматтың еңбегіне, оның біліміне, жауапкершілігіне байланысты болып табылатын біртұтас және бөлінбейтін отбасы»
Толығырақ
«Біздің жастарымыз ғылым мен білімге ұмтылып, елдің болашағын ойлайтын болса, келешегіміз кемел, тәуелсіздігіміз баянды болады»
Толығырақ
«Терең білім тәуелсіздігіміздің тірегі, ақыл-ой азаттығымыздың алдаспаны»
Толығырақ
«Менің Ұлт Көшбасшысы ретіндегі мақсатым – Қазақстанды болашақ ұрпақ мақтана алатындай деңгейге көтеру»
Толығырақ
news-img

2020 жылғы 20 қарашада Алматы, Курск және Мәскеу қалаларында «Цифрландыру: әдіснама, құралдары, нәтижелері, тәуекелдері» жас ғалымдардың Ресей-Қазақстан ғылыми-практикалық конференциясы аралас форматта – көзбе-көз және онлайн өтті.

Конференцияда ақпараттық-коммуникациялық технологиялардың әлемдік экономика мен қоғамның барлық салаларына ену процесінің барысы мен нәтижелері тақырыбы талқыланды. Цифрландыру үшін жаңа технологияларды барлық жерде енгізу – ғылыми қоғамнан тұжырымдамалық, зерттеулік деңгейді және алынған нәтижелерді практикада қолдану әрекетінде жедел әрі адекватты жауапты талап етеді.

Конференция Ресей Федерациясының ғылым және жоғары білім министрлігі, Нұрсұлтан Назарбаев Қоры (Қазақстан), Ресей Ғылым академиясының жас ғалымдар кеңесі, Оңтүстік-Батыс мемлекеттік университеті (Курск қ., Ресей) Нұр-Сұлтандағы Россотрудничество өкілдігінің қатысуымен ұйымдастырылды.

Ресей Федерациясының ғылым және жоғары білім министрлігінің атынан конференцияға қатысушыларға мемлекеттік ғылыми және ғылыми-техникалық саясат департаменті директорының орынбасары Андрей Романов құттықтау сөз сөйледі. Ол: «Бүгінгі конференция барысында қатысушылар экономиканың түрлі салалары мен адам қызметінің түрлі салаларын цифрлық трансформациялаудың әртүрлі тәсілдерін салыстыруға мүмкіндік алады. Бірыңғай мемлекетаралық жүйелер үшін негіз бола алатын шешімдерді әзірлеу маңызды. Мұндай жүйелер біздің әлемдік ғылыми және білім беру кеңістігіне ортақ кірігуімізге көмектеседі», - деді.

Нұрсұлтан Назарбаев Қорының атынан қор жанындағы Ғылым жөніндегі кеңес төрағасының орынбасары Сухраб Жапаров құттықтау сөз сөйледі: «Цифрлық Қазақстан» Мемлекеттік бағдарламасы мен  «Ресей Федерациясының цифрлық экономикасы» Ұлттық бағдарламасының міндеттері екі ел үшін де маңызды екенін атап өтті. Нұрсұлтан Назарбаев Қорының ғылым жөніндегі Кеңесі Ресей Ғылым Академиясымен және РҒА жас ғалымдар кеңесімен ұзақ қарым-қатынаста. Соңғы 13 жыл ішінде кеңес өткізетін барлық халықаралық іс-шараларға Ресей Ғылым академиясының жас ғалымдар кеңесі және ресейлік ғалымдар қатысады». Сондай-ақ ол осы іс-шарадан кейін жаңа байланыстар орнатылып, бірлескен жобалар дамитынына сенім білдірді.

Қазақстандағы Россотрудничество Өкілдігінің басшысы Алексей Коропченко Нұр-Сұлтан қаласындағы Ресей Ғылым және мәдениет орталығының Қазақстан жастарымен жұмысы туралы ақпараттандырды. Ол қазақ азаматтарын Ресей Федерациясының федералдық бюджеті есебінен оқытуға арналған ресейлік жоғары оқу орындарындағы орындар әрдайым сұранысқа ие болатынын, ал квота көлемі үнемі өсіп келе жатқанын атап өтті. Ол сондай-ақ Россотрудничество Өкілдігінің қолдауымен дипломнан кейінгі білім алу мүмкіндіктері туралы және екі елдің университеттері арасында тікелей жоғары оқу орындары арасындағы байланыстарды ұйымдастыру туралы айтты.

Ресей Ғылым академиясының жас ғалымдар кеңесінің төрағасы Андрей Котельниковтың құттықтау сөзі цифрландыруды болашақтың жаңа бейнесін түсінуге көмектесетін технологиялық серпіліс ретінде дамытуға арналды. Ғалым «Ресей Федерациясының ғылыми-технологиялық даму стратегиясының міндеттерін орындай отырып, аймақтардың экономикасы негізделетін аймақтық Халықаралық бағдарламалар мен платформаларды дамыту қажет», - деп атап өтті.

«Нархоз университеті» академиялық мәселелер жөніндегі проректор орынбасары Әйгерім Райымжанова университеттің әкімшілік басқару мен академиялық процесті цифрландыру жөніндегі жұмысы туралы егжей-тегжейлі айтып берді. Бизнес процестерді оңтайландыру мақсатында университетте университеттің бүкіл өмірін тиімді бақылауға мүмкіндік беретін жүйе әзірленді. Жүйелік интерфейс пайдаланушылардың сұрауларына жауап беру уақытын барынша азайтуға арналған. Оның әріптесі, «Нархоз университеті» ғылыми-зерттеу жұмысы бөлімінің бастығы Андрей Шенин жүйені пайдаланудың практикалық аспектілеріне назар аударды.

Қызылорда облысының цифрлық технологиялар басқармасы Ақпараттық технологиялар орталығының директоры, Нұрсұлтан Назарбаев Қоры жанындағы Ғылым жөніндегі Кеңестің мүшесі Сәбит Ибадулланың баяндамасы жалғасып жатқан коронавирустық пандемияға байланысты жаңа талаптар жағдайында өңірдің жалпыға қолжетімді ақпараттық ресурстарын жаңғыртуға арналды.

Болашақ университетінің ректоры Қуаныш Дәуренбеков «Пандемия жағдайында білім беру саласындағы цифрландырудың мәселелері мен перспективалары» тақырыбындағы баяндамасында қашықтан оқытуды дамыту және оны қазіргі жағдайлар мен шектеулерге бейімдеу бойынша өз университетінің тәжірибесімен бөлісті.

GrandMaster бағдарламалау мектебінің директоры, AstanaHub өңірлік серіктесі Алмат Қуанышбаев «Қазақстандағы цифрландыру және цифрлық мәдениетті қалыптастыру» баяндамасында бизнес пен халықтың жаңа технологияларға қызығушылығының айтарлықтай артуымен Қазақстандағы цифрландыруды дамытудың негізгі тежеуші факторларына тыңдаушылардың назарын аударды.

Конференцияда ресейлік қатысушылар Мәскеу, Мәскеу облысы, Воронеж, Тула, Белгород, Қазан, Ставрополь өлкесі, Новочеркасск, Ростов облысының университеттері мен ғылыми-зерттеу ұйымдарының атынан қатысты. Жас ғалымдардың баяндамалары ғылым мен адам қызметінің әртүрлі салаларында цифрландыруға, сондай-ақ жаңа технологиялардың нақты әзірлемелеріне арналды.

Конференция жұмысына Ресей мен Қазақстанның түрлі өңірлерінен ғылыми және білім беру мекемелері мен ұйымдарының, министрліктер мен ведомстволардың, қоғамдық бірлестіктердің 150-ден астам өкілдері қатысты. Пленарлық және секциялық отырыстардың жұмысы барысында жаппай цифрландырудың, ақпараттық-коммуникациялық технологиялардың жекелеген елдер мен тұтас әлем экономикасының барлық салаларына жаппай енуінің әсерінен қоғамды қайта құру проблемалары бойынша 15 баяндама және 4 сөз сөйлеулер тыңдалды.

Жұмыс қорытындысы бойынша екі елдің жас ғалымдарының Ресей мен Қазақстанды цифрландырудың қазіргі жай-күйіне, қазіргі проблемалар мен оларды шешу жолдарына көзқарасын көрсететін Қарар қабылданды.

Түсініктеме қалдыру