Байқаудың өткізілу уақыты: 20.02.2025 - 30.10.2025

Нұрсұлтан Назарбаев Қоры мәдениет және өнер саласындағы халықаралық және республикалық іс-шараларға бару үшін гранттар байқауын жариялайды.

Гранттар жас мәдениет және өнер қайраткерлерін, сондай-ақ бейінді оқу орындарының студенттерін қолдауға арналған. Қаржыландыру жол жүру және 14 күнге дейінгі тұру шығындарын жабады.

Байқау бағыттары

Гранттар келесі бағыттар бойынша беріледі:
   • әдебиет және журналистика

   • хореография, музыка, театр, кино

   • бейнелеу өнері, сәулет және дизайн

Кімдер өтінім бере алады

Байқауға қатыса алады:

   • жеке немесе шығармашылық ұжым құрамында (3 адамға дейін, ал «хореография» және «музыка» бағыттары бойынша – 5 адамға дейін) жұмыс істейтін, жасы 40-қа дейінгі кәсіби мәдениет және өнер қайраткерлері;

   • мәдениет және өнер саласындағы оқу орындарының студенттері.

Өтінімді қалай беру керек

Байқауға қатысу үшін құжаттар топтамасын ұсыну қажет:

   • толтырылған өтінім (1-қосымшадағы нысан);

   • үміткердің түйіндемесі (жеке қатысушылар үшін – 2-қосымша, шығармашылық ұжымдар үшін – 3-қосымша);

   • шығындар сметасы (4-қосымша);

   • шығармашылық бағдарлама (еркін түрде, фото, бейне және басқа да материалдарды қосуға болады);

   • іс-шараны ұйымдастырушылардан шақыру хаты;

   • үміткер жұмыс істейтін ұйым немесе оқу орнынан қолдау хаты;

   • жеке куәліктің көшірмесі;

   • транскрипт немесе сынақ кітапшасынан үзінді (студенттер үшін).

Барлық қажетті формалар мен толық шартын сілтеме  арқылы жүктеуге болады.

Өтінімдер қағаз түрінде, қазақ немесе орыс тілінде, бір данада қабылданады. Олар тігіліп, үміткердің қолымен бекітілуі қажет.

Өтінімдерді тапсыру мерзімі

Өтінімдер 2025 жылғы 30 қазанға дейін қабылданады. Көрсетілген мерзімнен кеш тапсырылған немесе дұрыс рәсімделмеген өтінімдер қаралмайды.

Іріктеу тәртібі

   • Байқау іріктеуі кемінде әр екі ай сайын бір рет өткізіледі.

   • Шешімді мәдениет саласының сарапшыларынан құралған байқау комиссиясы қабылдайды.

   • Өтінімдер үміткердің кәсіби дамуы үшін іс-шараның маңыздылығы мен оның жеке шығармашылық жетістіктеріне негізделе отырып бағаланады.

   • Байқау жеңімпаздары жазбаша түрде хабарланады.

Қаржыландыру және есеп беру

Гранттар алушының есепшотына аударылатын қаржылай төлем түрінде беріледі. Грант иегерлері бөлінген қаражаттың мақсатты пайдаланылуы туралы есеп тапсыруға тиіс. Ережелер бұзылған жағдайда, қаражатты қайтару талабы қойылып, болашақ байқауларға қатысу құқығынан айыру мүмкін.

Кеңес алу үшін байланыс

   • Телефон: 8 727 339 65 40

   • E-mail: tismailov@fnn.kz (Исмаилов Тимур Мұратұлы)

Өз шығармашылығыңызды халықаралық деңгейде көрсету мүмкіндігін өткізіп алмаңыз! Байқауға өтінім беріп, маңызды мәдени іс-шараларға қатысуға қолдау алыңыз.