«Қазақстандықтар елдің өркендеуі әр азаматтың еңбегіне, оның біліміне, жауапкершілігіне байланысты болып табылатын біртұтас және бөлінбейтін отбасы»
Толығырақ
«Біздің жастарымыз ғылым мен білімге ұмтылып, елдің болашағын ойлайтын болса, келешегіміз кемел, тәуелсіздігіміз баянды болады»
Толығырақ
«Терең білім тәуелсіздігіміздің тірегі, ақыл-ой азаттығымыздың алдаспаны»
Толығырақ
«Менің Ұлт Көшбасшысы ретіндегі мақсатым – Қазақстанды болашақ ұрпақ мақтана алатындай деңгейге көтеру»
Толығырақ
news-img

2 және 3 сәуірде бүкіл ел аумағында ауыл оқушыларына арналған «Мың бала» Ұлттық Олимпиаданың бірінші кезеңі өтеді. Олимпиада жеңімпаздары дарынды балаларға арналған мамандандырылған мектептер мен Елбасы Академиясының Birge oqý онлайн-мектебінде оқуға мүмкіндік алады.

Естеріңізге сала кетейік, олимпиадаға Қазақстандағы ауыл мектептерінде соңғы екі оқу жылында білім алып жатқан 5 және 6-сынып оқушылары қатысады.

«Мың бала» Олимпиадасы екі кезеңнен тұрады. Бірінші кезең логикалық және кеңістіктік ойлауды бағалайды. Тестілеу 1000bala.elbasyacademy.kz сайтында онлайн-форматта өтеді.  Өңірлер қимасында ең жоғары қорытынды балл жинаған бес мың оқушы олимпиаданың екінші кезеңіне жолдама алады.

Екінші кезеңнің қорытындысы бойынша жеңімпаздар анықталады. Оларға еліміздің дарынды балаларға арналған жетекші мектептерінде: «Білім-Инновация» лицейлерінде, Республикалық физика-математика мектебінде және «Дарын» мамандандырылған мектептерінде оқуға мүмкіндік беріледі.

Олимпиада Қазақстан Республикасының Тұңғыш Президенті – Елбасының талантты жастарды анықтау және қолдау жөніндегі «El Úmiti» бастамасы аясында ұйымдастырылған. Олимпиаданы «Елбасы Академиясы» КҚ  ҚР Білім және ғылым министрлігімен бірлесіп ұйымдастырды.

Тіркелген қатысушылар үшін маңызды ақпарат:

  • Тестілеуді 2 және 3 сәуірде Нұр-Сұлтан қ. уақытымен 09:00-ден 21:00-ге дейін өтуге болады;
  • Тесті бастамас бұрын логин мен құпиясөз бар екеніне көз жеткізіңіз. Логин - тіркелу кезінде көрсеткен телефон нөмірі, ал құпия сөз - тіркелу кезінде өзіңіз көрсеткен сөз.
  • Тест алдында құрылғы (смартфон, планшет, компьютер) тұрақты интернетке қосылғанын анықтаңыз. Олимпиаданы ұйымдастырушылар интернет-байланыстың сапасы мен құрылғылардың жарамдылығы үшін жауап бермейді. Тестілеу кезінде интернет байланыс үзілген жағдайда тестілеу аяқталады;
  • Сұрақтарға мұқият жауап беруді сұраймыз. Себебі алдыңғы сұраққа қайта оралуға және қандай да бір өзгерістер енгізуге мүмкіндік болмайды;
  • Қандай да бір санатқа жататын қатысушылар үшін артықшылықтар көзделмегеніне назар аударамыз. Қайта тапсыруға немесе апелляция беруге болмайды.
  • Тест нәтижелері тестілеу аяқталған сәттен бастап 14 күнтізбелік күн ішінде жарияланады.
Түсініктеме қалдыру
comments-author-avatar
Не могу зарегистрировать ребенка Помогите

comments-author-avatar
Қалай қатысады