Қор стипендиаты Александра Киршенман: Бұл ғылыммен айналысуға керемет шабыт береді
Дарынды стипендиаттар туралы әңгімеміз жалғасады. Бүгін біз Қарағанды техникалық университеті энергетика, автоматика және телекоммуникация факультетінің 4 курс студенті Александра Киршенман жайлы айтамыз.
Александра 20 жаста, белсенді өмір салтын ұстанады әрі көп уақытын ғылымға арнайды. Университетте оқыған төрт жылда ол 20-дан астам түрлі байқауға, олимпиадаға, халықаралық конференцияға қатысып, жүлделі орындар иеленген. Төменгі курс студенттеріне білімі мен тәжірибесін бөлісіп, кеңес береді. Екінші курстан бастап президенттік стипендиат атанған.
- Ұнамайтын нәрсеге уақыт жұмсамаңыз; ұнайтын нәрсені көңіл бөліңіз. Қазір біз ең керемет кезеңде өмір сүріп жатырмыз, осы сәтті ұтымды пайдалану керек. Бұл уақытты өзіңізге арнаңыз, болашақта жалқауланбай, дамуыңызға инвестиция салғаныңызға алғыс айтасыз, - дейді Александра Киршенман.
Александра бала кезінен тәжірибе жасап көруді, жаңа нәрселерді үйренуді, білім алуды жақсы көрді, мектепте ғылыми байқаулар мен олимпиадаларға қатысып, сахнада өнер көрсетті. Бұл дағдылар оған университетте де көп көмектесті. Мұнда зерттеу жұмысын жалғастырып, аудитория алдында сөз сөйлейді.
- Қордың студенттік шәкіртақысына арналған байқау нәтижесін жариялау кезінде бақытымда шек болмады! Өз аты-жөнімді естідім! Бұл ғылыммен айналысуға, жаңа жетістіктерге талпынуға және әлемді жақсартуға деген керемет шабыт береді, - дейді Александра.
