«Манкай (Wolffia globosa) негізінде функционалды тағам өнімдерін зерттеу, әзірлеу және өндіру» жобасы

«Биологиялық жасты төмендетуге және жасқа байланысты патологиялардың қаупін азайтуға ықпал ететін су өсімдігі - Манкай (Wolffia globosa) негізінде функционалды тағам өнімдерін зерттеу, әзірлеу және өндіру» жобасы

Өзектілігі

Wolffia globosa немесе манкай - су өсімдіктерінің балдыршөптер тұқымдасына жататын өкілі. Оның бірегей қоректік құрамы бар: құрғақ салмағының шамамен 45%-ы ақуыздан тұрады, оның ішінде барлық 9 негізгі амин қышқылы бар, 35-40%-ы көмірсулардан, ал 9,5-12%-ы майдан құралған.

Сонымен қатар, манкай омега-3 май қышқылдарына, тағамдық талшықтарға, полифенолдарға, темірге және бірқатар микроэлементке, соның ішінде бета-каротин, рибофлавин, В6 дәрумені және фолатқа бай. Жалпы полифенолдар құрамы 382-700 мг/100 г аралығында өзгереді (галл қышқылы эквивалентінде). 20 г құрғақ манкай ұнтағы бар бір коктейль ақуыздың 18%-ын, темірдің 75%-ын, фолий қышқылының 60%-ын және В12 витаминінің 21%-ын қамтамасыз етеді.

Манкай дәстүрлі түрде Таиланд, Мьянма және Лаос елдерінде көкөніс пен тағамдық қоспа ретінде қолданылған. Израиль мен АҚШ-та манкай негізіндегі өнімдер 2022 жылдан кейін пайда болды, бұл DIRECT PLUS атты жаһандық зерттеу аяқталғаннан кейін іске асырылды (Anne Hoffmann et al., 2023). Бұл зерттеу дәлелді медицина деректері негізінде биологиялық жасты төмендететін, жалпы өлім-жітім көрсеткішін азайтатын, нейродегенеративті өзгерістердің алдын алатын, жүрек-қантамыр ауруларының қаупін төмендететін және семіздікті болдырмайтын тағамдық ингредиенттерді әзірлеуді бастауға мүмкіндік берді.

Қазіргі уақытта Манкай негізіндегі функционалды тағам өнімдерін жасауға үлкен қызығушылық байқалып отыр, себебі бұл микроөсімдіктің өсіру технологиясы қарапайым әрі қолжетімді.

Осы жобаны жүзеге асыру «Инновациялық және профилактикалық медицина институты» КҚ базасында қартаюға қарсы жоғары тиімділігі бар функционалды тағам өнімдерін әзірлеуге мүмкіндік береді.

Жобаның мақсаты

Wolffia globosa (Mankai) балдыршөптер тұқымдасына жататын су өсімдігін өсіру технологиясын әзірлеу, өндірістік желіні құру және Манкай негізінде геропротективті белсенділігі бар функционалды тағам өнімдерінің желісін шығару.

Жобаның міндеттері

1. Манкай өсірудің оңтайлы технологиясын таңдау. Манкай өсіру бойынша өндіріс орнын жобалау және салу. Манкайды жыл бойы өсіруді ұйымдастыру.
2. Манкай негізінде функционалды тағам өнімдерін өндіру технологиясын әзірлеу (құрғақ субстрат, смузи мен коктейльге арналған мұз текшелері, Манкай сұйық сығындысы).
3. Тәжірибелік партияларды өндіру, патенттеу, лицензиялау және тіркеу.
4. Манкай негізінде функционалды тағам өнімдерін өндіру.
5. Клиникалық зерттеулер жүргізу.
6. Зерттеу нәтижелерін жариялау.