«Қазақстандықтар елдің өркендеуі әр азаматтың еңбегіне, оның біліміне, жауапкершілігіне байланысты болып табылатын біртұтас және бөлінбейтін отбасы»
Толығырақ
«Біздің жастарымыз ғылым мен білімге ұмтылып, елдің болашағын ойлайтын болса, келешегіміз кемел, тәуелсіздігіміз баянды болады»
Толығырақ
«Терең білім тәуелсіздігіміздің тірегі, ақыл-ой азаттығымыздың алдаспаны»
Толығырақ
«Менің Ұлт Көшбасшысы ретіндегі мақсатым – Қазақстанды болашақ ұрпақ мақтана алатындай деңгейге көтеру»
Толығырақ
news-img

Ұстаздар күні қарсаңында Нұрсұлтан Назарбаев Қоры Елбасының "Ел Үміті" бастамасының жобаларында жоғары нәтижелер көрсеткен ауыл мектептерін құттықтады.

«Мұғалімдер күні қарсаңында Нұрсұлтан Назарбаев Қоры мен «Елбасы Академиясы» КҚ еліміздің барлық ұстаздарын кәсіби мерекесімен құттықтайды. Сіздердің күнделікті еңбектеріңіз бен кәсіби шеберліктеріңіздің арқасында мыңдаған жас қазақстандықтар білім алып, дағдыларын дамытып қана қоймай, өзіне деген сенімділікке ие болды. Олар елді сүюге, адал және қайырымды болуға, алға қойған мақсатына жетуге үйренеді. Осы мүмкіндікті пайдалана отырып, «Ел Үміті» бастамасының жобаларында үздік нәтиже көрсеткен білімді және еңбексүйгіш оқушы тәрбиелеген  ауыл мектептерін марапаттағымыз келеді», - деді «Елбасы Академиясы» КҚ директоры Асланбек Амрин. 

Бірінші 2 миллион теңгенің қаржылай сертификатын Қызылорда облысының Қазалы ауданында орналасқан Ержігіт Бозғұлов атындағы №249 мектеп-лицейіне табыс етілді. Бұл мектеп ауыл оқушыларына арналған "Мың бала" Ұлттық зияткерлік олимпиадасында үздік нәтижелер көрсетті. Жобаға қатысқан 4 мыңнан астам мектептің ішінде оқу орны үздіктер қатарында. Олимпиаданың қорытындысы бойынша мектепте 66 финалист және 21 жеңімпаз анықталды.

"Мың бала" олимпиадасы осымен екінші жыл өткізіліп отыр. Осы уақыт ішінде жобаға 450 мыңнан астам ауыл оқушысы қатысып үлгерді. Олимпиаданың нәтижелері бойынша 2000 оқушы, ауыл мектептерінің 5-6 сыныптарының жеңімпаздары Республикалық физика-математика мектебі, "Білім-Инновация" лицейлері, "Дарын" мамандандырылған мектептері сияқты еліміздің жетекші мектептерінде оқуға, сондай-ақ Елбасы академиясының "Birge oqý" онлайн мектебінде пәндік дайындықтан өтуге мүмкіндік алды.

Екінші ақшалай сертификатты Солтүстік қазақстан облысы Аққайың ауданының №1 Смирнов орта мектебі алды. "Елбасы медалі" жобасын іске асыру шеңберінде неғұрлым белсенді ауыл мектептеріне талдау жүргізіліп, олардың ішінде №1 Смирнов орта мектебінде Елбасы медальдарының ең көп иегерлері анықталды. Аталған мектептің 12 оқушысы бағдарламаны 7 бағыт бойынша аяқтап, қола медальға ие болды.

Солтүстік Қазақстан облысы бойынша барлығы 292 қатысушы қола медаль жеңіп алды. Қазіргі уақытта өңір бойынша "Елбасы медалі" жобасының бағдарламасына 404 жас қатысты.

Жалпы, екі жыл ішінде "Елбасы медалі" жобасы бүкіл ел бойынша 7 бағытта дамып келе жатқан 20 мыңнан астам қатысушыны қамтыды.  Олар: спорт, таланттар мен дағдылар, кітап оқу, ұлттық мұра, волонтерлік, экспедициялар мен жорықтар, еңбек тәжірибесі. Биыл «Елбасы медалінің» 605  иегері гранттар алып, еліміздің жетекші жоғары оқу орындарына түсті. Олардың 30% - дан астамы-ауыл мектептерінің түлектері (ҰБТ ұпайлары тең болған жағдайда, жобаға қатысушыларға білім гранттарын алуға басымдық беріледі).

Өз кезегінде, "Ел Үміті" бастамасының жобаларын ұйымдастырушылар Нұрсұлтан Назарбаев Қоры мен «Елбасы Академиясы» КҚ еліміздің барлық ұстаздарын кәсіби мерекемен құттықтап, болашақ ұрпақты тәрбиелеу жолында табыс тілейді.

Түсініктеме қалдыру